Gudoomiyihii hore ee gobolka Sool oo Laascaanood lagu xidhay

Wararka ka imaanaya magaalada Laascaanood ee xarunta gobolka Sool ayaa waxa ay sheegayaan in lagu xidhay gudaha magaaladaasi gudoomiyihii hore ee gobolka Sool Abukar C/raxmaan Gelle oo maalmihii ugu dambeeyey ku sugnaa Laascaanood.

Xadhiga Gelle ayaa loo aanaynayaa eedaymo uu u jeediyey Qoyska madaxweyne Muuse Biixi iyo xadhiga Xildhibaan Dhakool oo kamid ah Xildhibaanada Baarlamaanka Somaliland oo Hargeysa ku xidhan oo uu ka hadlay.

18-ka May oo ah maalin u astaysan Somaliland ayuu sheegay in ay tahay maalin gaar ah u ah Beelaha Somaliland qaarkood, waxaana uu xusay in 26b Junne ay tahay maalin khaas u ah goboladda Waqooyi madaama xoriyadoodii 1960-kii bishii Junne 26-keedii ay ka qaateen gumaystihii Ingiriiska.

Waa markii labaad ee Laascaanood lagu xidho gudoomiyihii hore ee gobolka Sool Abukar C/raxmaan Gelle bishan gudaheeda, waxaana uu muddo 6 Bilood ah soo noqday gudoomiyaha gobolka Sool ee Puntland xukuumaddii hore ee madaxweyne Gaas oo uu iska casilay xilkaasi dhamaadkii sanadkii tagay ee 2018.

 

Be the first to comment

Leave a Reply

Your email address will not be published.


*