SAWIRO: Safiirka Cusub ee Soomaaliya ee Itoobiya oo gaaray Addis Ababa

Safiirka cusub ee dowladda Soomaaliya u Magacowday dalka Itoobiya ayaa gaaray Magaalada Addis Ababa ee xarunta dalka itoobiya.

Safiirka cusub ee Soomaaliya ee dalka Itoobiya ayaa loo Magacaabay Eng. C/xakiin C/llaahi Camey oo horay u ansixiyeen Golaha Wasiiradda Xukuumadda Soomaaliya.

Qaar ka mid ah diblomaasiyiinta Soomaaliya ee dalka Itoobiya ayaa kusoo dhaweeyay garoonka diyaaraddaha, waxaana lagu waddaa in maalmaha soo socda uu warqaddiisa aqoonsiga u gudbiyo Madaxweynaha Itoobiya.

C/xakiin Camey oo ahaa Madaxweyne kuxigeenki hore ee Puntland ayaa bishii March ee sanadkan loo magacaabay inuu noqdo Safiir.

Camey ayaa aad u taageersanaa dowladda dhexe ee Soomaaliya taasoo keentay in uu si weyn uga soo horjeesto tilaabooyin ka dhan ahaa dowladda dhexe oo uu qaaday Madaxweyne Gaas.

Be the first to comment

Leave a Reply

Your email address will not be published.


*